کرکٹر عمر اکمل نے کھیلوں کی عالمی عدالت کی جانب سے عائد جرمانے کی ادائیگی کردی۔
اس حوالے سے ذرائع نے بتایا کہ عمر اکمل نے جرمانے کے 42 لاکھ 50 ہزار روپے ادا کیے۔
خیال رہے کہ عمر اکمل پر کھیلوں کی عالمی ثالثی عدالت نے جرمانہ عائد کیا تھا۔
عمر اکمل اب پی سی بی کے ری ہیب کے پروگرام کے اہل ہیں، تاہم ان کا بحالی پروگرام فوری طور پر ممکن نہیں۔
پی سی بی کا اینٹی کرپشن یونٹ پی ایس ایل کے بقیہ میچز میں مصروف ہے۔
دوسری جانب عمر اکمل کو ڈومیسٹک کرکٹ کے دوران لیکچرز بھی دینا ہیں، جبکہ اس وقت ڈومیسٹک کرکٹ کا سیزن آف ہے۔
عمر اکمل نے ثالثی عدالت میں پی سی بی کی پابندی کیخلاف اپیل کی تھی۔
